尖沙咀彌敦道100號The ONE 5樓502室
曾經有一位朋友向我分享佢嘅夢想(其實應該係佢女朋友嘅夢想), 就係要食遍全香港嘅魚蛋同燒賣, 食晒之後就係結婚之時嘅對話
小妹都有一個概念就係要試晒所有茶造出嚟嘅食物(其實我鍾意嘅仲有芝士製品同麵包類!諗起都覺得要努力嘅路好長…)然後搵出所喜歡食物做得最極致嘅店舖。不過小妹就無咁偉大嘅目標做獎勵, 只係出於單純喜歡茶造出嚟嘅食物, 單純地希望大家都同樣感受到我所感受到嘅悸動
講起上嚟, 如果有朝一日有人問起小妹關於茶食物嘅時候我可以講到「食茶雪糕一定係Vxa Txkxx!」、「食茶Waffle一定係HxShxExt!」之類嘅推介而剛好你/妳又喜歡的話, 小妹係會好開心的:)
今次小妹又搵到一間做抹茶蛋卷非常出色嘅店舖 – 宏!
值得推介: 佢地有一個$99(未計加一)嘅套餐非常抵食(主食加Signature小蛋卷配Signature紅茶), The one入面做到呢個價的確係令人驚訝
斯里蘭卡紅茶
未入店之前已經見到門面已放有形形式式唔同種類嘅紅茶, 期望略略提高咗。清淡幽香嘅紅茶飲落順滑、非常柔和、唔太澀, 但after taste唔夠強~小妹比較喜歡茶味較為突出同after taste會回甘嘅茶, 所以呢款茶就淨係可以講「佢同卷蛋糕係Match到!」。
炸雞日本飯配海藻蕎麥烏冬套餐
友人點的。嘴饞嘅小妹一定又偷D嚟食啦。
炸雞非常燙口(已辣親), 咬落唔太油膩, 惟一缺點係唔脆, 有少少失咗「炸雞」一詞風範。但同時雞肉好Juicy嫩滑, 酒味亦突出。味道偏濃。
海藻蕎麥烏冬嘅湯剛好, 咸淡適中。烏冬彈牙又輕輕咁嚐得出蕎麥味。海藻厚身爽口。整體配合剛好。
不過有個唔太好嘅地方就係友人喺沙律入面搵到貌似頭髮嘅黑線。
抹茶甜品Set A
抹茶小蛋卷
小妹覺得抹茶卷蛋糕好好食! Cream 幼滑, 即使有奶味但抹茶味仍然存在而且食完口有芳香餘韻, 甜度完美平衡。加上蛋糕濕潤剛好。即使唔喜歡茶製品嘅友人亦一整件食晒。可想而知, 真係好食。(前後呼應突出”好食”重點XD)
抹茶雪糕拿破崙
雪糕幼滑, 奶比茶味更突出而且內有零碎小冰塊, 融嘅速度亦快, 係扣左小小分。酥皮方面就可以食得出有牛油味。甜度剛好。配埋雪糕一整食係match的。
京都宇治抹茶奶配小丸子
飲落有抹茶嘅澀加質感偏稀。糖水味有點重。小丸子質感剛好, 甜咗少少, 欣賞佢糯米味突出。但小妹覺得呢個甜品….呢個價位嚟講係會有少少失望….或者可以考慮茶同糖水比例再調整會更好。
法式抹茶杏仁餅
糖皮Feel, 好甜。少少脆, 亦有抹茶味但缺少咗馬卡龍嘅淡杏仁味。都係呢句, 呢個價位嚟講會有少少失望。
北海道3.7牛奶布甸
美好尾聲作結J牛奶味突出又有餘韻, 加上入口即融之感…..正! 布甸頂上糖紅豆同時亦平衡牛奶味, 層次上又再豐富多一層。Refresh咗因為不停食抹茶嘅味蕾。
店舖設計方面, 我覺得店門面擺設可以再進一步向華美方向行多少少, Cake 櫃比起附近同一大廈內賣蛋糕或者Café 嘅Display嚟講, 視覺上的確有分別。
Anyway, 個抹茶蛋卷或者海藻蕎麥烏冬係值得回購嘅產品:)
沒有留言:
張貼留言